Ein Prosiectau a Sut i Wirfoddoli

Mae gan GMB ar hyn o bryd 17 o brosiectau yn y gymuned gyda’n gwirfoddolwyr yn ymgymryd â chyfartaledd cyfun o 400 o oriau o waith gwirfoddol yr wythnos.

Caiff yr holl leoedd gwag ar gyfer gwirfoddolwyr eu hysbysebu yn Ffair y Glas ar ddechrau pob semester a thrwy e-bost, pan fyddant yn codi’n wag, i bawb sydd wedi cofrestru ar ein rhestr ohebu. Gallwch ganfod manylion am bob prosiect isod gan gynnwys natur y prosiect, yr amser, y lleoliad a’r cyfeiriad cyswllt.

Gan fod llawer o’n prosiectau yn golygu gweithio gyda phobl sy’n agored i niwed, mae’n hanfodol fod ein Harweinwyr Prosiect yn cwrdd â’r holl ymgeiswyr cyn cynnig lle ar brosiect i fyfyriwr. Mae gwneud cais i wirfoddoli yn hawdd iawn; jyst anfonwch eich enw, cyfeiriad e-bost a rhif ffôn i’r prosiect a byddant yn cysylltu â chi i drefnu cyfweliad, neu mewn rhai achosion yn gofyn i chi gwblhau ffurflen gais.

Mae gan bob prosiect fwyafswm o wirfoddolwyr felly mae’n bwysig eich bod yn gwneud cais mor gynnar â phosib pan fydd y lleoedd ar gael. Gallwch ganfod manylion am rai o’r swyddogaethau gwaith yn fan hyn, neu ymuno â’n Rhestr Ohebu i sicrhau eich bod yn cael gwybod am bob swydd cyn gynted â’i bod ar gael.

Prosiectau i Blant

Sblodj

Yn trefnu celf a chrefft, gemau a difyrrwch i blant bach lleol 5–7 mlwydd oed bob nos Fawrth yn Undeb y Myfyrwyr o 5:30–8pm.
E-bost: tuesday.splodge@undeb.bangor.ac.uk

Sblat

Yn trefnu  celf a chrefft, gemau a gwibdeithiau i atyniadau lleol ar gyfer plant 8–11 mlwydd oed o’r ardal Cymunedau’n Gyntaf bob nos Iau.
E-bost: sblat@undeb.bangor.ac.uk

Sbectrwm

Yn cynnig sesiynau chwarae a gweithgareddau i blant gydag Awtistiaeth a Syndrom Aspergers bob yn ail nos Fercher am 5–7pm.
E-bost: sbectrwm@undeb.bangor.ac.uk

Bws Ieuenctid y Groes Goch

Mae gwirfoddolwyr y Groes Goch GMB yn defnyddio bws ieuenctid pwrpasol i gynnal rhaglen maes symudol mewn ardaloedd gwledig cyfagos unwaith yr wythnos.
E-bost: redcrossbus@undeb.bangor.ac.uk

Chwaraeon y Ddraig

Yn meithrin doniau chwaraeon y genhedlaeth nesaf drwy drefnu gweithgareddau chwaraeon ar ôl ysgol mewn ysgolion cynradd lleol unwaith yr wythnos.
E-bost: dragon.sports@undeb.bangor.ac.uk

Prosiectau ar gyfer Oedolion Bregus

Prosiect Hergest

Mae’r gwirfoddolwyr yn ymweld ag Uned Hergest, ward iechyd meddwl Ysbyty Gwynedd i gynnig sesiynau cyfeillachu a gweithgareddau i’r cleifion unwaith yr wythnos.
E-bost: monday.hergest@undeb.bangor.ac.uk a wednesday.hergest@undeb.bangor.ac.uk

Mynd am Dro

Bob yn ail ddydd Sadwrn bydd gwirfoddolwyr yn mynd â grŵp o bensiynwyr lleol ar wibdeithiau i atyniadau lleol. Mae dau grŵp yn gweithio am yn ail ddydd Sadwrn.
E-bost: outandabout@undeb.bangor.ac.uk

Cyswllt â’r Henoed

Mae gwirfoddolwyr yn helpu i drefnu te prynhawn misol ar gyfer pobl dros eu 70.
E-bost: contact.elderly@undeb.bangor.ac.uk

Te Parti Nadolig

Dathlwch gydag arddeliad drwy ein helpu ni i gynnal te parti pnawn ysblennydd yn Undeb y Myfyrwyr i dros gant o henoed lleol adeg y Nadolig.
E-bost: teaparty@undeb.bangor.ac.uk

Tŷ Newydd

Bydd gwirfoddolwyr yn mynychu’r Hostel Mechnïaeth unwaith yr wythnos i gynnal gweithgareddau gyda chyn droseddwyr.
E-bost: tynewydd@undeb.bangor.ac.uk

Prosiectau Amgylcheddol

Y Rhoi Mawr

Cymerwch ran ym mhrosiect mwyaf uchelgeisiol y flwyddyn pan fyddwn yn annog myfyrwyr i adael eu bwyd ac eitemau cartref diangen ddiwedd tymor ac yn eu dosbarthu nhw i asiantaethau lleol i’r digartref.
E-bost: thebiggive@undeb.bangor.ac.uk

Glanhau Traethau

Ymunwch â ni ar un o draethau gogoneddus niferus Ynys Môn neu Wynedd i helpu gwella ac amddiffyn yr amgylchedd.
E-bost: beachclean@undeb.bangor.ac.uk

Gwynedd Werdd

Cymerwch ran mewn gweithgareddau cadwraeth mewn partneriaeth â mudiadau lleol eraill er mwyn diogelu’r amgylchedd.
E-bost: greenergwynedd@undeb.bangor.ac.uk

Y Tîm Hyrwyddo

Mae ein Tîm Hyrwyddo yn codi arian ac yn denu hyd yn oed mwy o bobl i gymryd rhan ym myd arbennig Gwirfoddoli Myfyrwyr.
E-bost: svb.promotions@undeb.bangor.ac.uk

RAG

Mae RAG yn sefyll am ‘Raising and Giving’ ac mae aelodau RAG yn treulio’r flwyddyn yn codi arian ar gyfer elusen drwy unrhyw ddull posib! Mae RAG yn brosiect gwych i’r rheiny sydd eisiau gwirfoddoli ar sail unwaith yn unig ond mae yna digon o waith i’w wneud drwy gydol y flwyddyn!
E-bost: rag@undeb.bangor.ac.uk